БИБІГҮЛ ИМАНҒАЛИЕВА: БҰЛ ЖҮЙЕ ТҰРҒАНДА - ҚАЗАҚСТАНДА ЕШҚАНДАЙ ДЕМОКРАТИЯ ДА, РЕФОРМА ДА БОЛМАЙДЫ!
Билікке ешқандай қатысы жоқ тәуелсіз үміткерлерді Тоқаев сайлауға қатысуға жол бермейді деген болжамымыз толығымен орындалды. 16 наурызда Алматы қаласының нөмірі 3 аймағы бойынша аймақтық сайлау комиссиясы маған қатысты мені сайлаудан шығару туралы хаттама шығарды. Бір-екі күн бұрын менің мүдделестерім, "Алға Қазақстан" оппозициялық партиясының ұйымдастыру комитетінің мүшелері А.Джахин мен М. Жыланбаевқа да осындай жағдай жасалған болатын. Тағылған айыптар, әрине, әдеттегідей ойдан шығарылған. Ал Аманат партиясы үгіт-насихат кезеңінің басталуына дейін де, оның барысында да әртүрлі баптар бойынша сайлау заңнамасын толығымен бұзды. Біз болған жағдайларды көрсетіп сотқа шағым түсіргенбіз, бұзушылықтар туралы дәлелдер келтіргенбіз. Бірақ осы уақытқа дейін сот органдары тарапынан ешқандай реакция болған жоқ. Яғни, билік өкілдері Тоқаевтың бұйрықтарын орындай отырып, қызметтік өкілеттіктерін асыруда және жазасыз заңсыздық жалғастыруда.
Біздің "Алға Қазақстан" партиясын да тіркемейді және бүгінгі күні біз тіркеуден 12 рет бас тарту алдық.
Тоқаев елімізде "жаңа Қазақстан" құрып жатқаны туралы жарияласа да, біз күн сайын оның мәлімдемелері мен уәделерінің жалғандығын көріп отырмыз. Қазіргі билікпен Қазақстанда реформалар мен демократия мүмкін емес деп сеніммен айта аламын. Бізді барлық жерде шексіз өтірік, жалғандық және заңсыздық қоршап тұр. Біздің елімізде қазір адам құқықтарын сақтау саласында үлкен проблемалар бар.
Бірақ егер біз барлық заңсыздыққа көніп отыра берсек, мұндай жағдайлар тоқтамайды. Сондықтан, бізге, тәуелсіз кандидаттарға қатысты жасаған озбырлығын көре отырып, біз бұл сайлаудан бас тартуды талап етеміз! Өйткені олар өтірік және заңсыз!