Рет қаралды 72,744
,
Бұрын қағбаға кіруге барлық мұсылман құқықты еді. Бірақ қажылар көбейгесін жылына екі ақ рет ашылып, тек ерекше қонақтар келгенде ғана рұқсат етілген екен. Олар Аса танымал діни қайраткерлер және Ел басшылары.
Осы уақытқа дейін қағбаның ішіне кіріп шыққандар:
Ердоғаннан бастап, Каддафи, Бердімұратовтар мен Кәрімов, ӘЛиев пен Саддам Хұсейін, тіпті дондон Қадыровқа дейін түгел кірген. Көбісі диктаторлар.
Жалпы, негізгі ұлты исламды ұстанатын мемлекет басшылары дінді, басқарудың идеологиялық құралы ретінде жақсы пайдаланады. Жұрттың санасына діни ритуальдар арқылы айрықша әсер етеді.
Ал, бізге келсек, «Қазақ және қажылық» тақырыбында ерекше зерттеу жасауға болады.
Қазақ пен қажылық.
Соноу Шыңғысханның Ислам дінін неге қабылдамағанынан бастайық. Шыңғысханның аты дүркіреп, даңқы шар тараптқа тараған кезінде ислам дінін жаюға дін өкілдері келеді. Шыңғысхан ислам дінінің барлық өзекті мәселелерінің себебін біледі, бес парыздың иман келтіру, намаз, ораза, зекет шартына қосылады, қолдайды. Бірақ, қажылық туралы айтқанда бірден ислам дінінен бас тартады. Пайғамбарларың өзімшіл екен. Күллі адамзаттың қаржысын меккеге тасытқаны жарамайды, мойындамаймын дейді. Бұл енді Шыңғысхан, қалай қабылдайсыз өзіңіз білесіз...
Ғасыр бұрын Саудияға КСРО елшісі боп Нәзір Төреқұлов барған. Дипломатиялық сапар еді.
Кейін, айтыскер ақындардан қажы жасап, ақиқат айтатын айтыскерлер, Алланы айтса да, Алла алдындағы ақиқат пен әділдікті айтпай, сүйкімдерінен сүрінген еді.
Ақындардың аузын тазартамыз деген Тазабектерді білесіздер. 15 дүркін қажы атанған, Меккеде Құймышақтан тебуді көрген, полицейлерге соны кеңес еткен еді. Кешегі қаңтарда нәтижесін, құймышақтан тепкеннің көкесін бәріміз көрдік. Ұлтым деген Жүрегі мен болашағын ойлаған басынан көзделіп 250 дей еркін азамат оққа ұшты. Сол кезіндегі қажылықтың қаржыгерлері Қасіретті қаңтардан кейін қамалды, қалған қаржыларын қайтарып жатыр. Қазір қайдасыз Мұхамеджан мырза, сіздің сол қаңтарға қатысыңыз жоқ па?
Қажыға барарда дұға тілеу мен қатар қарғыстайтын қарсыластарының тізімін жасайтын Бекболат қажы да, қаңтардан бұрын қару саудасы туралы әңгіме айтылғанда, жалақорды соттатам, қатысым жоқ деп еді, сол соттың соңы не болды екен?! Бірақ, сот өтірік болар, алайда сол қарулардың қаңтарда атылғаны рас.
Жоғарыдағы диктаторлардың халқымен қандай қарым қатынаста екені белгілі. Ал Қадыровтың қылығы ше? қажылықта қара тасты қанша сүйіп еңкілдеп жылап, күнәсін кешірткені мен Украинадағы қаншама бейбіт тұрғынның берекесін алып, бүлдіршіндерді жетім қылып, көз жастарын көл етіп басқыншының басты бас кесері болғанын қалай түсінуге болады?
Құдай әділетті ме?
Кейбіреулер Қазақтың хақысын жеп байиды. Өздері біледі, Күнә екенін мойындайды. Мешіт салдырады, қажылыққа барады. Алла кешіреді. Себебі қағба қасиетті орын.
Қағба, Мекке, қажылыққа, тек ақшасы барлар барады деген ше? Халықты қанасаң да, кедейді сорлатсаң да болады, бастысы ақшаң бар, қажыға барып жуып шай. Әрине Алла ауқатыңа қарай парыз қылды ғой. Мәселе, қажылықтың қадірі мен әділет, теңдікте. Қысқасы, Шымкенттің ескі әкімі айтпақшы, ақшаны Қазақстаннан тауып, шетелге тығып, меккеге барып кешірім сұрай салады.
Меніңше, Алла бәрін біледі, періштелер пара алмайды. Бұлардың жүрегінде тыныштық жоқ, жұрттың обалы мен әділетсіздік құрбандарының көз жасы жібермейді. Олар қажылық жасап мешіт салдыру арқылы өздерін алдағысы, тәубе еткісі келетін шығар. Әйтпесе, Алла парақордың ақшасына салынған мешітке, қаніпезерлердің қажылығына зәру емес.
Тоқ етері, енді Тоқаевқа оралайық.
Президенттің қажылығы жайлы, көптің көңіліндегі, айтып жатқаны, қаңтардан кейін қай бетімен барып тұр? Қағбада кешірім сұрағаннан, қаңтар үшін халықтан кешірім сұрағаны сауапты еді.
Күнәнің үлкені халыққа көрсеткен зәбір дейді. Халық құдайдың бір аты. Алдымен халықтың кешірімін, ризалығын алу керек шығар. Содан соң тәубеге кеп құдай алдындағы жеке парыздарыңды өтей бер. Ана бір ақынның
«Мекенімнің әр төбесі мекке екен» дегеніндей Алдымен жұртыңды жарытып, халықтың қалауын орында, отаныңды озық ет. Сол кезде, ар алдында да, ел алдында да, Алла алдында да ақсың.
Солаай, қажылыққа тағып барған көзілдіріктің бағасы мен көп күзеттің неғып жүргенін, қажылықта шашын алып тастауы туралы, шайтанға тас лақтыру рәсімі жайлы айтпасақ та болар.
Артур Ізбас есімді азамат айтпақшы.
Астанаға келген соң тасты Үкімет пен Парламентке атса болады. Шайтанның біразы сол жерге шоғырланған.
insta@duman.qajet
Жарнама, Байланыс, үшін WhatsApp : wa.me/77082802248